Заканувачот Емил Јакимовски во полициска станица по пријавите за закани од двете новинарки

Од МВР за Телма потврдија дека лицето Емил Јакимовски во моментот дава исказ во скопска полициска станица.

-Во моментот е во полициска станица, се работи на целосно расчистување на случајот, ни одговорија од МВР.

Двете новинарки Мери Јордановска (А1он) и Искра Коровешовска (ТВ Алфа) вчера го пријавија Јакимовски за заканите и навредите кои кон нив ги упатил Емил Јакимовски преку социјални мрежи.

Има повеќе пријави за сличен тип испади и инциденти предизвикани од Јакимовски (кој до неделата беше вработен во Централниот Регистар). Пријавите во полиција против Јакимовски биле поднесени од повеќе лица, но има и од институции.

И Централниот регистар соопшти дека директорката Марија Бошковска Јанковска, но и други вработени во институцијата имале закани од Јакимовски кој е избркан од работа поради злоупотреба на боледување и нарушување на угледот на институцијата.

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ