Видео: Нападот врз Дамаск и реакција на противвоздушната одбрана на сириската армија

Рано утрово околу 4 часотпо локално време, Сирија беше цел на ракетни напади од САД и сојузниците.

САД, Франција и Велика Британија соопштија дека нападот има за цел да ги уништи погоните за производство на хемиско оружје кое според нив е искористено во последниот напад врз цивили во областите кои се под контрола на бунтовниците.

За Сирија, нападот е агресија и прекршување на меѓународното право. Сириските власти тврдат дека ги собориле најголем дел од ракетните проектили упатени кон цели на нивна територија.

Западните медиуми објавија дека биле истрелани 110 проектили, а целите биле три локации каде се чува или произведува забрането хемиско оружје.

Асошиетед прес објави снимки од нападот и реакција на сириската армија во областа на главниот град Дамаск.

Објавено на
© 2018 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ