Вардар го реши Пелистер со +19 за очекувано финале во Купот

Вардар очекувано се пласираше во финалето на Купот на Македонија, откако го прегази Пелистер со 46-27 во првото полуфинале на завршниот турнир во Битола.

Домашниот тим почна добро и во два наврати имаше водство од два гола разлика, но работите си дојдоа на место, кога Вардар по 14 минути прв пат го презема водството. На полувремето беше 12-20 за „вардарци“, кои во вториот дел само продолжија да ја полнат мрежата на Пелистер без милост.

Разликата постојано беше двоцифрена, а на крајот стигна и до најубедливите +19 со конечни 46-27.

Хорхе Македа и Мијајло Марсениќ со по осум погодоци беа најефикасни кај Вардар, додека кај Пелистер најмногу се истакна младиот Томислав Јагуриновски со пет погодоци.

Во второто полуфинале од 19.15 играат Еруфарм и Работник, натпревар кој исто така ќе можете да го гледата ексклузивно на Телевизија Телма.

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ