Вардар го доби соседското дерби со Работнички: Тасевски веднаш си поднесе оставка

Вардар со 2-0 триумфираше како гостин против Работнички во големото скопско дерби во рамки на 24.коло во Првата фудбалска лига.

Матеј Цветаноски во шестата минута го отвори резултатот, а победа за „црвено-црните“ ја потврди Хуан Фелипе во 55-тата минута. По натпреварот, тренерот на „романтичарите“ Жикица Тасевски си поднесе неотповиклива оставка по трите порази по ред (Академија Пандев, Шкендија и Вардар).

Шампионот и актуелен лидер на табелата, Шкендија со убедливи 3-0 славеше на гостувањето кај Силекс во Кратово. Гостинска победа оствари и Македонија Ѓорче Петров од 1-0 на „Чаир“ кај Шкупи во малото скопско дерби. Стрелец на голот за „лавовите“ вреден три бода беше Боби Божиновски во 87-та минута.

Најефикасно денеска беше на дуелот помеѓу Ренова и Беласица, на кој домашниот тим победи со 3-2. Натпреварот помеѓу Победа и Академија Пандев ќе се одигра на 1 мај.

ТАБЕЛА
1. ШКЕНДИЈА                    53
2. ВАРДАР                          45
3. АКАДЕМИЈА П.           42 (-1)
4. РЕНОВА                          33
5. ШКУПИ                           33
6. РАБОТНИЧКИ              31
7. МАКЕДОНИЈА Ѓ.П.     29
8. СИЛЕКС                           24
9. БЕЛАСИЦА                    19
10. ПОБЕДА                       18 (-1)

Објавено на
© 2019 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ