„Трговска војна“ со Косово

Македонија не може да извезува компир и мед во Косово, одлучија тамошните власти. Тоа е реакција на одлуката од македонска страна – да не се дозволи од Косово да се носат риба и рибен подмладок. Така и ќе остане се додека има пречки за нивните бизниси, се закани косовскиот министер за трговија и индустрија.

  • Се додека нема рефлексија и не се отстрануваат пречките и забраните што им се поставени на нашите бизниси , на косовските производители во тргување во Република Македонија, оваа мерка ќе продолжи да остане во сила. Одлуката се заснова врз ЦЕФТА договорот и Спогодба за стабилизација и асоцијација, вели Ендрит Шала – Министер за трговија и индустрија на Република Косово

Забраната за рибата и икрата од Косово не е мерка против државата, возврати министерот за земјоделство, Димковски. Тој не попушта – вели, нема да увеземе нешто за што немаме гаранција дека е здравствено исправно.

  • Зошто не можат?! Затоа што не го спроведуваат мониторингот. Немаат експлицитна забрана затоа што тие производи се од Република Косово – туку монтирингот важи за сите други држави. Доколку докажат дека го спроведуваат мониторингот апсолутно не е никаков проблем, вели Трајан Димковски – Министер за земјоделство, шумарство и водостопанство.

Од Министерството за земјоделство не знаат точно колкави би биле загубите ако не извезуваме компир и мед во Косово. Повеќе ќе знаат за неколку дена.

Во понеделник на иста маса ќе седнат министрите за земјоделство и за економија и директорот на Агенцијата за храна и ветеринарство за да го анализираат проблемот, но и мерките воведени од наша страна.

Петар Догов

Објавено на
© 2019 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ

Економија

Шпанската компнаија „Рубау конструксионес“ го раскина договорот со ЈП Државни патишта за изградба на делницата Фариш – Дреново

Шпанската компанија „Рубау конструксионес“ го раскина договорот со Јавното претпријатие за државни патишта за изградба...