Торонто се врати на првото место на Истокот

По двата последователни триумфи Торонто изби на првото место на Истокот, Вашингтон славеше на гостувањето против Оклахома и на противникот му ја прекина серијата од три последователни победи.

Торонто ја совлада Индијана со 121:105. Најефикасен во редовите на тимот од Канада беше Норман Пауел со 23 поени, Серж Ибака додаде 18 поени и шест скока додека Дени Грин беше стрелец на 15 поени. На спротивната страна Бојан Богдановиќ впиша 21 поен и девет освоени топки под обрачите, а Домантас Сабонис имаше учинок од 16 поени и 11 скока.

Најголемото изненадување го направи Вашингтон совладувајќи ја Оклахома со 116:98. Бредли Бил имаше 25 поени и шест асистенции, а Ото Портер забележа 20 поени и шест скока. Во поразениот тим Расел Вестбрук мечот го заврши со 22 поени, 13 додавања и 15 освоени топки додека Пол Џорџ беше стрелец на 20 поени. Во останатите натпревари Атланта – Мајами 106:82 и Феникс – Шарлот 113:119.

Објавено на
© 2019 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ