Судскиот совет го разрешил судијата од кавадречкиот суд  Лазар Нанев, дознава Телма од извори во Судски совет.

Иако двете дициплински постапките на негово барање се водеа со присуство на јавноста денеска повторно по негово барање беше исклучена јавноста и членовите на советот зад затворени врати дискутирале и ја донеле ваквата одлука.

За Нанев има две постапки во Судскиот совет за утврдување на негова одговорност.

Едната се однесува на тоа дека додека бил претседател на Основниот суд Кавадарци несовесно и нестручно ја вршел функцијата бидејќи остварил 95 телефонски повици со обвинет во случај кој го водел, а другата дека и го нарушил угледот на претседателката на Судскиот совет, Весна Дамева.

Според извори на Телма одлуката за разрешување паднала уште на првата постапка.

На седницата на Судскиот Совет во септември беа изнесени низа обвинувања за лична дискредитација, нарушен углед и омаловажување кои меѓусебно си ги разменија претседателката на Судскиот совет, Весна Дамева и судијата Лазар Нанев.

Во центарот на превирањата беше првиот братучед на Дамева, Љупчо Грков, кој се бара со меѓународната потерница.  Дамева побара утврдување на одговорност за Нанев, поради неговиот обвинувања дека Судскиот совет не го заштитил од заканите од нејзиниот братучед и дека таа влијаела на барањето за екстрадиција на Грков и со тоа го нарушил нејзиниот углед и угледот на Судскиот совет.

Дамева го обвини Нанев дека целта на сето ова му е да влијае на другата постапка во Судскиот совет која се води против него за несовесно и нестручно вршење на функцијата, односно остварил 95 телефонски повици со обвинетиот Ванчо Кузманов во случај кој го водел.

Кавга и меѓусебни обвинувања на Дамева и Нанев на седницата на Судски совет

The post Разрешен судијата од кавадаречкиот суд  Лазар Нанев, дознава Телма appeared first on telma.com.mk.

Телма телевизија до Судски Совет денеска испрати допис како реакција на вчерашното излагање на судијата Лазар Нанев кој при расправата за барањето за утврдување на негова одговорност упати обвинувања до нашиот медиум. Нанев изјави дека Судскиот совет вршел непосредно влијание врз медиумите, а како пример ја посочи Телма, бидејќи имала видео линк пред Основниот суд Кавадарци додека Комисијата за надзор на работата на судовите при Министерството за правда вршеше контрола на неговата работа.

Нанев тврди дека видео линкот бил резултат на јавувањето на член на Судскиот совет до уредникот на телевизија Телма.

На денешната седница на Судски совет беше прочитан дописот на Телма. Во него беше наведено дека телевизија Телма ја информира јавноста објективно и независно и со професионални правила на новинарската професија.

„Слободата на медиумите е загарантирана со Уставот, а  господинот Нанев при остварување на своите институционални службени функции не може да го одредува начинот на информирање на јавноста и техничкиот избор на примање и на пренесување на информации. Ваквите изјави доведуваат до директно рушење на угледот на дејноста, на работењето на Телма, угледот и честа на мојата општествена дејност како новинар, како управител и како главен и одговорен уредник. Самостојноста и независноста на медиумите треба да бидат ослободени од било какво непосредно влијание при креирањето на новинарски содржини базирани на факти и вистини и со јавна одговорност“, наведе во дописот директорката и главен и одговорен уредник на Телма, Снежана Лупевска Созен.

Кавга и меѓусебни обвинувања на Дамева и Нанев на седницата на Судски совет

The post Телма работи независно и објективно, а Нанев не може да го одредува начинот на информирање appeared first on telma.com.mk.