Суспензијата на британскиот парламент нелегална?

Шкотски суд денеска ја прогласи одлуката на британскиот премиер Борис Џонсон да го суспендира Парламентот како нелегална, но не нареди укинување на суспензијата.
Комисија со три судии ја поддржа тужбата од група политичари од различни партии кои се спротивставија на тој потег на премиерот.

Денешната пресуда ја преиначува претходната пресуда на судот што минатата недела објави дека Џонсон не го прекршил законот.

Одлуката нема веднаш да влијае на суспензијата на британскиот Парламент, која започна вчера.
Судиите нагласија дека конечната одлука треба да ја донесе британскиот Врховен суд, што ќе расправа за тоа прашање во вторник. Во денешниот заклучок на шкотскиот суд се наведува дека судиите едногласно изразиле уверување дека одлуката на Џонсон да го суспендира. 

Во меѓувреме, опозициската Лабуристичка партија треба да соопшти дека е против Брегзит и да побара одржување нов референдум со кој пред изборите ќе оневозможи напуштање на Европската унија.

Објавено на
© 2019 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ