Словенија преку четвртата победа во низа до фаворити за медал

За прв пат во својата историја на настапи на европските првенства Словенија нанижа четири победи по ред откако го совлада Исланд денеска во Малме Арената со резултат 30:27. Со овој резултат и историско постигнување избраниците на Љубомир Врањеш од т.н статисти во втората рунда се трансформираат во кандидати за медал.

Деан Бомбач го постави ритамот на целиот тим на Словенците постигнувајќи 9 голови и 10 асистенции, а трите одбранети седмерци на младиот Виктор Гисли Халгримсон не беа доволни Исланд да ја неутрализира негативата.

Во последните 18 минути од мечот Словенечката одбрана им дозволи на Исланѓаните само 5 голови додека Бомбач ја водеше својата репрезентација до победа.

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ