Македонија со четири скијачи на СП во Аре

Со супервелеслаломот во женска конкуренција што ќе се одржи утре стартува Светското првенство во алпско скијање чиј домаќин е шведскиот зимски центар Аре. Македонија на ова првенство ќе ја претставуваат четири натпреварувачи.

Лука Божиновски, Дардан Дехари, Виктор Петков и Антонио Ристевски се четирите македонски скијачи кои се наоѓаат на листата на пријавени натпреварувачи на шампионатот.

На првенството во Аре ќе настапат околу петстотини скијачи од 74 земји, а нашите репрезентативци ќе бидат дел од трките во слалом и велеслалом кои се во вториот дел од програмата.

Според распоредот на дисциплините квалификациите во велеслалом се на 14, а во слалом ќе се одржат на 16 февруари. Доколку некој од нашите репрезентативци успее да го мине овој круг од натпреварувањето следниот ден ќе бидат дел од главните трки за пласман.

Објавено на
© 2019 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ