Конечно победа на Хјустон, ЛА Лејкерс подобар од Далас

Во НБА лигата одиграни се 11 натпревари. Кошаркарите на Хјустон го совладаа Сан Антонио со 136:195 и ја прекинаа низата од четири последователни порази.

Гостите доминираа во текот на првите три периоди од натпреварот, а пред последната четвртина имаа 36 поени предност, додека во завршните 12 минути домашниот тим успеа да го намали водството на противникот, но не и да се спаси од убедлив пораз.

Клинт Капела мечот го заврши со 27 поени и 12 скока, Ерик Гордон беше стрелец на 26 поени, а Џејмс Харден додаде 23 поени, 10 асистенции и седум освоени топки под обрачите.

Во поразениот тим ЛаМаркус Олдриџ забележа 20 поени и шест скока додека ДеМар ДеРозан постигна 18 поени.

Лос Анџелес Лејкерс славеше над Далас со 114:103 и се задржа на седмата позиција на Западот. ЛеБрон Џејмс впиша 28 поени и четири асистенции, а Брендон Инграм имаше учинок од 19 поени и четири скока.

На спротивната страна Херисон Барнс имаше 29 поени и пет освоени топки додека Двајт Пауел забележа 17 поени и седум скока.

 

НБА РЕЗУЛТАТИ

Бостон – Кливленд                         128:95

Шарлот – Јута                                   111:119

Детроит – Чикаго                            107:88

Филаделфија – Вашингтон         123:98

Бруклин – Мемфис                        125:131 (продолжение)

Мајами – Њу Орлеанс                  106:101

Оклахома – Атланта                      124:109

Феникс – Орландо                          85:99

Портланд – Денвер                       112:113

Објавено на
© 2018 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ