По официјализирањето на изборните резултати, најдоцна на 12 мај треба да биде свикана собраниска седница за инаугурација на новоизбраната претседателка Гордана Сиљановска Давкова. Таа пред пратениците од стариот состав треба да даде свечена изјава по која и започнува да тече нејзиниот мандат. На 12 мај истекува мандатот на актуелниот претседател кој беше и кандидат за претседател, Стево Пендаровски.

Седницата за инаугурација на новиот претседател треба да ја свика актуелниот претседател на Собранието Јован Митрески. На средбата со новинарите на крајот на март, Митрески најави дека ова ќе биде една од последните активности на стариот состав на Парламентот, пред конституирање на новиот собраниски состав.

Доколку инаугурацијата на новиот претседател се случи на 12 мај, тој треба да го додели мандатот за новиот состав на Владата.

Врз основа на Уставот претседателот на Републиката е врховен командант на вооружените сили. Претседателот своите права и должности ги врши врз основа и во рамките на Уставот и законите, а се бира на општи и непосредни избори, со тајно гласање, за време од пет години.

За претседател е избран кандидатот кој добил мнозинство гласови од избирачите кои гласале, доколку гласале повеќе од половината избирачи.

Изборот за претседател на Републиката се врши во последните 60 дена од мандатот на претходниот претседател. Во случај на престанок на мандатот на претседателот на Републиката од кои и да е причини, изборот за нов претседател се врши во рок од 40 дена од денот на престанокот на мандатот.

Пред преземањето на должноста, претседателот на Републиката дава свечена изјава пред Собранието со која се обврзува на почитување на Уставот и законите.

Во случај на смрт, оставка, трајна спреченост да ја врши функцијата или престанок на мандатот по сила на Уставот, до изборот на нов претседател на Републиката, функцијата претседател на Републиката ја врши претседателот на Собранието.

Настапувањето на условите за престанок на функцијата претседател на Републиката го утврдува Уставниот суд на Република Македонија по службена должност.

Должноста претседател на Републиката е неспојлива со вршење на друга јавна функција, професија или функција во политичка партија. Претседателот на Републиката ужива имунитет. За одземање на имунитетот на претседателот на одлучува Уставниот суд со двотретинско мнозинство гласови од вкупниот број судии.

Претседателот на Република Македонија го определува мандатот за состав на Владата на Република Македонија; ги поставува и ги отповикува со указ амбасадорите и пратениците на Република Македонија во странство; ги прима акредитивните и отповиковните писма на странските дипломатски претставници; предлага двајца судии на Уставниот суд на Република Македонија; предлага двајца членови на Републичкиот судски совет; именува тројца членови на Советот за безбедност на Република Македонија; ги предлага членовите на Советот за меѓунационални односи; именува и разрешува и други носители на државни и јавниименува и разрешува и други носители на државни и јавни функции утврдени со Уставот и со закон; доделува одликувања и признанија во согласност со закон; дава помилување во согласност со закон и врши други функции утврдени со Уставот.

Претседателот на Републиката го известува Собранието за прашања од неговата надлежност најмалку еднаш годишно. Собранието може да побара од претседателот на Републиката мислење за прашања од неговата надлежност.

Претседателот на Републиката е претседател на Советот за безбедност, а него го сочинуваат: претседателот, претседателот на Собранието, претседателот на Владата, министрите кои раководат со органите на државната управа во областите на безбедноста, одбраната и надворешните работи и тројца членови кои ги именува претседателот на Републиката.

Советот ги разгледува прашањата сврзани со безбедноста и одбраната на Републиката и дава предлози на Собранието и Владата.

Претседателот на Републиката е одговорен за кршење на Уставот и законите во вршењето на своите права и должности. Постапка за утврдување на одговорност на претседателот на Републиката покренува Собранието со двотретинско мнозинство гласови од вкупниот број пратеници. За одговорноста на претседателот одлучува Уставниот суд со двотретинско мнозинство гласови од вкупниот број судии.

Ако Уставниот суд утврди одговорност на претседателот на Републиката, функцијата му престанува по сила на Уставот.

Гордана Силјановска Давкова- нов претседател на Република Северна Македонија

The post Најдоцна до 12 мај Собранието треба да ја прогласи Сиљановска Давкова за претседател, тогаш му истекува мандатот на Пендаровски appeared first on telma.com.mk.

Кандидатката за претседател Гордана Силјановска-Давкова присуствуваше на трибина во Кавадарци посветена на економијата. Ветува дека еден од нејзините приоритети како претседателка ќе биде заедно со Владата да поднесат барање за итен влез во единствениот европски пазар.

На тој начин, македонската економија, компаниите и институциите ќе ги уживаат сите придобивки на европскиот економски простор, рекла Силјановска.

The post Силјановска: Приоритети како претседателка ќе ми биде заедно со Владата да поднесеме барање за итен влез во единствениот европски пазар appeared first on telma.com.mk.

Денеска народот во Македонија покажа дека си ја сака Македонија и дека секој оној кој го потценува народот прваи голема грешка, рече лидерот на ВМРО-ДПМНЕ, Христијан Мицкоски.

„Ветив дека ќе победиме со најмалку 100.000 гласови разлика, победуваме со повеќе од 170.000 гласови. Зборувавме дека многу работи ќе се случат не ни веруваа, нè потценуваа, мислеа дека си имаат работа со мали деца. Но, ние благодарение на народот покажавме и докажавме дека Македонија ја има и ќе ја има уште многу долго време. Ветував многу работи и сите работи се случија, не напаѓаа и од внатре, ни се закануваа, се обидуваа да не делат, се обидуваа да ја делат Македонија, користеа структури од минатото на ВМРО-ДПМНЕ, но ние издржавме. Ви благодарам од срце народе на Македонија. Ветував дека ќе се случи народ и денеска се случи народ. Ова е голема победа за македонскиот народ. Пораката е јасна, Македонија не се плаши и се враќа во рацете на народот. Ние заедно со вас наспроти стотина трговци од ДУИ и СДСМ се причина за целото страдање сиромаштија и криминал во Македонија. Нашата сила сте вие народот“, кажа Мицкоски.

„Резултатите кои ги постигнавме оставаат простор да бидеме задоволни, имаме огромна историска победа на многу избирачки места. Оваа власт паѓа. Ова е најдобриот резултат што ВМРО-ДПМНЕ го имала од позиција на опозиција. Над 600.000 луѓе гласаа против власта, ова е победа на народот, цунамито се крена, а на 8 мај ќе ги потопи целосно. Имаме обврска да им ги срушиме сите идеи за калкулации и предавство. Ова е револуција на народот на Македонија. Работата не е завршена, а власта не е нималку наивна. На осми мај е потребен убедлив резултат, јасна победа врз оваа криминална и корумпирана власт“, додаде лидерот на ВМРО-ДПМНЕ.

Тој упати порака до оние кои излегле и гласале за власта дека нема да има освета кон било кој.

„Ги почитувам вашите уверувања, повеќе никој не смее да ве плаши. Единствено треба да се плашат тие што се огрешиле кон законите, а со тоа се огрешиле кон народот. Е тие ќе одговараат“, кажа Мицкоски.

The post Мицкоски: Цунамито се крена, на 8 мај ќе ја потопи оваа власт appeared first on telma.com.mk.

Кандидатот за претседател на здружената албанска опозиција „Вреди“, Арбен Таравари вечерва на прес-конференцијата изјави дека во сите изборни единици каде доминираат Албанци, односно во првата, втората и шестата разликата е три-четири илјади гласови.

Претседателскиот кандидат истакна дека сè уште немаат одлучено на кого ќе му дадат поддршка во вториот круг. Прашан дали ќе даде оставка доколку изгуби од Османи, Таравари рече да за тоа ќе се разговара во органите на партијата.

„Да завршат прво изборите, следат парламентарните избори. Ова се први избори како претседател на партија, во органите на партијата ќе разговараме за ова“, рече Таравари.

Здружената албанска опозиција вечерва на прес-конференција им се заблагодари на гласачите кои го дадоа гласот за нивниот кандидат за претседател Арбен Таравари и очекува на 8 мај на парламентарните избори да ја победат ДУИ.

„Добитник на овие избори е Влен или ДУИ има вкупен број на гласови на помалите етнички заедници и на граѓаните кои имале потреба од нивните пари. Влен е легитимен претставник на Албанците, Влен ги доби гласовите на Албанците. ДУИ со ова однесување го загуби последниот легитмитет да зборува во име на Албанците. Затоа на 8 мај ние ќе победиме. Важно е да потенцираме дека овој резултат и во мандати не е голема разлика од ДУИ и затоа на 8 мај овој резултат ќе биде во наша полза“, изјави лидерот на движењето Беса, Биљал Касами.

The post Таравари: Разликата не е голема, сè уште не сме одлучиле кого ќе поддржиме во вториот круг appeared first on telma.com.mk.

Кандидатката за претседателка на државата предложена од Левица, Билјана Ванковска вечерва изјави дека двојно зголемената излезност во споредба со претседателските избори од 2019 година, зборува за поголемата понуда што ја имаа граѓаните, но и потребата на гласачите да го искажат својот глас. Оцени дека тоа што некои медиуми веќе ги соопштиле победниците не е демокраски однос.

„Може да се констатира дека се уште сме на ниво кога зборуваме за тоа дека кога нема поголеми нерегуларности ние сме среќни и задоволни дека денот поминал мирно без поголеми нарушувања. Останува нормално да се изанализираат оние нерегуларности, инциденти или случаи кои веќе беа нотирани за што секако и Левица ќе има свој став. Јас можам само да се заблагодарам на сите оние кои масовно излегоа денес. Практично, ако не се лажам во бројките, некаде во 17 часот беше двојно зголемена излезноста во споредба со претседателските избори од 2019 година, што зборува од една страна за поголемата понуда што ја имаа граѓаните, тогаш беа тројца кандидати, сега сме седуммина, меѓутоа претпоставувам дека станува збор и за зголемена побарувачка кај граѓаните, односно можност и потреба да го кажат својот глас, да го изразат своето мислење во однос на тоа каде се движи државата“, рече Ванковска.

Изрази жалење што, како што рече, се добива впечаток дека во земјава се одвиваат два паралелни изборни процеси, бидејќи двајцата противкандидати од албанскиот блок, како да се натпреварувале меѓу себе околу тоа како поминале и како тоа ќе се рефлектира на парламентарните избори. Според неа, би било подобро кога сите кандидати би се обраќале на целата јавност.

Во однос на македонскиот блок, таа забележа дека некои медиуми веќе ги прогласиле победниците во првиот круг од изборите за претседател, што покажува фаворизирање и смета дека тоа не е демократско однесување.

„Тоа ме враќа малку на мојата прва прес-конференција, тоа беше на 7 февруари кога Левица ја објави намерата да собира потписи и едно од првите прашања беше кому Ванковска ќе му ги даде гласовите во вториот круг. И тоа прашање очигледно ме следи се до завршувањето на првиот овој изборен ден. Повторно велам фаворитите се наводно утврдени што малку ја убива возбудата кај граѓаните и верувам дека мнозина од нив тргнале со намера да дочекаат изненадување. Не зборувам само за мене, туку за кој било од противкандидатите, така што мислам дека тоа повторно покажува фаворизирање она што постојано го потенцирам дека кога медиумите дури и наводно анализираат или покануваат аналитичари еден од штаб, друг од другиот штаб создаваат претстава кај граѓаните дека сите други се аутсајдери, маргиналци, луѓе кои залутале во политиката што не е баш демократски однос би рекла кон сите нас“, вели Ванковска.

Таа очекува дека поголемата излезност ќе значи и поголем број гласови за неа.

„Ќе почекаме да ги видиме резултатите. Ние се надеваме дека големата излезност значи повеќе гласови за мене како претставник на Левица и воопшто како човек кој ми се чини дека допре до поширок круг на граѓани не само до поддржувачите на Левица и не само до младите, туку една поширока структура барем од она јас што го имав како контакт жив со мнозина. Велам да почекаме уште малку па ќе правиме вистински анализи. Ова однапред завршување на трката за готова го сметам за преурането“, вели претседателскиот кандидат на Левица Ванковска.

The post Ванковска: Рано е да се каже дека трката за претседател е готова appeared first on telma.com.mk.

Претседателскиот кандидат од коалицијата „Храбро за Македонија“ предводена од ГРОМ, Стевчо Јакимовски, го призна поразот од претседателските избори и ѝ посака среќа во вториот круг на кандидатката за претседателка од ВМРО-ДПМНЕ, Гордана Силјановска-Давкова.

„Ја одржувам оваа прес-конференција со цел да го признаам поразот на овие претседателски избори и воедно да ѝ честитам на водството на госпоѓата Гордана Силјановска – Давкова, како и да ѝ посакам среќа во вториот изборен круг“, рече Јакимовски.

Вели резултатите се далеку од неговите очекувања, но истакна дека граѓаните имаа можност да избират меѓу седум претседателски кандидати.

„Дали резултатите се задоволувачки според мене, се разбира, дека не се. Далеку се од очекувањата. Но, како и да е, битно е дека граѓаните на Република Македонија имаа избор, бираа помеѓу седум свои кандидати. Дали биле во право во тоа што го избрале ќе видиме после пет години, се надевам дека ќе бидеме сите живи и здрави и после пет гопдини ќе констатираме дали изборот бил добар или не“, изјави Јакимовски од седиштето на ГРОМ.

The post Јакимовски го призна поразот: Резултатите се далеку од моите очекувања appeared first on telma.com.mk.

Денеска ЗНАМ, заедно со сите свои поддржувачи, испишува нова историја на македонската политичка сцена. Можам да потврдам дека се роди третата политичка сила во македонскиот политички блок во државата која што имаме намера во наредниот период дополнително да ја потврдиме и надградиме, со цел еден ден граѓаните да имаат можност да бираат нешто ново, изјави Максим Димитриевски, лидер на Движењето ЗНАМ и кандидат за претседател на Македонија, по денешниот прв круг на претседателските избори.

„Во мое лично име, во име на Движењето ЗНАМ за наша Македонија, се заблагодарувам на сите граѓани кои ја дадоа својата поддршка за мене како кандидат, на Движење ЗНАМ за наша Македонија. Но, воедно и на сите тие граѓани кои што гласаа за останатите мои противкандидати, затоа што на крајот на денот, денеска победи демократијата и победи Македонија. А, тоа е нашата цел. Македонија да продолжи да се развива и расте како држава, а ЗНАМ има за цел да ги обединува, а не разединува граѓаните“, истакна Димитриевски.

Тој упати честитки на неговите противкандидати за, како што рече, постигнатиот резултат.

The post Димитриевски: ЗНАМ е трета опција во македонскиот политички блок, позиција што ќе ја потврдиме и надградиме во наредниот период appeared first on telma.com.mk.

Ги охрабрувам граѓаните кои не излегоа во првиот круг да го дадат својот глас било кому, да учествуваат на 8 мај во вториот круг, затоа што знам дека еден добар од нив веруваа дека победникот ќе се решава тогаш, порача Стево Пендаровски, претседателски кандидат на СДСМ, на вечерашната прес-конференција по денешното гласање во првиот круг на претседателски избори.

„Тогаш ќе имаме и парламентарни избори. Очекувам уште поголем одѕив на граѓаните и, се разбира, очекувам една поголема бројка од граѓаните да го препознаат концептот кој го промовирав во изминатиот период и за кој македонската јавност е добро запозната. Значи, демократска и просперитетна држава, дел од евро-атлантските интеграции, рамноправна со сите други и внатре, се разбира, одржување на таа витална оска на која почива македонската безбедност, стабилсност и просперитет – меѓуетничките односи“, изјави Пендаровски.

Пендаровски порача дека нема да прави договор со ниту еден од оние кои не продолжуваат во вториот круг за т.н. механичко префрлување на гласови за вториот круг.

„Тоа е концепт кој е потполно туѓ на моето политичко верување. Никогаш не сум го правел тоа, ниту ќе го правам. Никакви задкулисни договори ниту во 2014 година, ниту во 2019 година, не сум правел такви договори со ниту еден политички лидер, со ниту една политичка партија за механички да преземам од било која етничка заедница, од било која општина или било која социјална група или категорија. Тоа нема да го правам ниту сега. Едноставно, на сите граѓани, независно од нивното етничко потекло, ќе им го презентирам мојот концепт и се надевам дека далеку поголема бројка на граѓани на 8 мај ќе го препозанаат тој концепт како најдобар и како најпродуктивен“, истакна Пендаровски.

The post Пендаровски: Со никого нема да правам договор за механичко префрлување на гласови, оние кои не излегоа денеска, ги охрабрувам да излезат на 8 мај appeared first on telma.com.mk.

Запомнете, јас ќе соработувам со партијата што ме предложи, ќе соработувам со премиерот, со министрите, но ќе соработувам и со опозицијата, со невладиниот сектор, со медиумите. Знам дека претседател/претседателка на држава мора да биде натпартиска личност, да слуша, да докажува, да инспирира, да го исполнува ветеното, рече Гордана Силјановска Давкова, кандидатка за претседател на Македонија, на вечерашната прес-конференција.

„Ќе се обидам секој ден и секому да докажам, да покажам дека сум таму не заради пмојата политичка кариера, туку заради Македонија. Дека сакам да бидат горди на мене, бидејќи јас ќе го докажувам тоа, дека Македонија за да биде горда, мора да биде слична на останатите демократски држави, да биде стандардна, да биде втемелена на владеење на правото, да биде посакувано,м навистина пристојно место за политички натпревар. Македонија не може да биде само моја, Македонија мора да биде на сите вас, да биде твоја, ваша, па нека биде и наша тогаш“, изјави Силјановска Давкова.

За резултатот од првиот круг на претседателските избори рече дека е неверојатно инспиративен за неа.

„Нема зборови со кои можам да ја изразам благодарноста. На пати и се срамам – зарем е можно толку многу луѓе вака да реагираат. Не мислам дека сум посебна во многу работи, само знам дека она што ќе го ветам ќе го остварам на мој начин. Во тоа ве уверувам од првиот ден. Ова е крајот на првиот круг, доаѓа вториот круг. И во вториот круг, кон оној со кој ќе се натпреварувам, ќе се однесувам со должна почит“, рече Силјановска Давкова.

Силјановска Давкова истакна дека е горда на многумина, пред сè, на граѓаните. Не само на оние кои гласале за неа, туку и на останатите. Особено сум на горда на членовите на ВМРО-ДПМНЕ заради поддршката, без нив нема да го запознаев народот, ниту тој мене,

„Горда сум на мојот тим. Постојано беа со мене. Ме бодреа, ме критикуваа, ме советуваа. Горда сум на мномина од учесниците во изборната трка. Изборниот процес е најстраствениот политички процес, но мислам дека во дебатата, во изјавите не го пречекоривме лимитот и критериумот на пристојноста. Горда сум и на коалиционите партнери на ВМРО-ДПМНЕ. Каде и да бев јас, таму беа и тие. Се создаде една невидена синергија. Посебно сум горда на жените во Македонија, без оглед на било каква припадност“, порача меѓудругото Силјановска-Давкова.

The post Силјановска Давкова: Ќе соработувам со партијата која ме предложи, но и со владата, опозицијата, невладиниот сектор, медиумите appeared first on telma.com.mk.

Европскиот фронт станува една голема локомотива за европската иднина на нашата држава, изјави Бујар Османи, кандидат на ДУИ и коалицијата, на денешните претседателски избори. Тој изрази благодарност до сите кои ја поддржаа неговата кандидатура, но и за Фронтот за Европа, како и на коалициските партнери.

Тој објави победа на Фронтот наспроти албанската опозиција со над 40.000 гласови во, речиси, сите поголеми градови, општини и места во Македонија.

„Денешниот глас е аманет за нас и ќе биде одлука за идните политики на оваа држава. Албанците, Турците, Бошњаците, Роми, денеска докажаа дека тие сами одлучуваат за својата судбина и никогаш нема да дозволат некој друг да одлучува за нив. Волјата на народот денеска е јасна и треба да се почитува од сите“, порача Османи од партиското седиште на ДУИ во Мала Речица.

The post Османи: Фронтот за Европа станува голема локомотива за европската иднина на нашата држава appeared first on telma.com.mk.