Кога мистериозна сила ја исфрла Месечината од нејзината орбита, Земјата се соочува со апокалиптична закана. Поранешен астронаут и научник, заедно со решителна хероина, тргнуваат во невозможна мисија за да ја спасат планетата. Во трка со времето, тие откриваат шокантна тајна за вистинската природа на Месечината.

The post ПАДОТ НА МЕСЕЧИНАТА -недела, 05 јули 2026 – 24:00 appeared first on telma.com.mk.

„Кристина“ е долгометражен филм инспириран од реалниот живот на жена која се игра себеси во филмот. Низ чувствителна и слоевита приказна, филмот ја следи Кристина, трансродово лице и сексуална работничка на средна возраст, додека се обидува да го разбере своето минато и да пронајде внатрешен мир. Во секојдневен живот исполнет со антиквитети, езотерични практики и сеанси на регресија, Кристина се обидува да се справи со тагата, вината и осаменоста што останале откако нејзиното семејство ја отфрлило нејзината желба да биде тоа што е. Далеку од своите најблиски, таа го гради својот свет во Белград, нежен и кревок, но достоинствен. Средбата со Марко, која се развива во платонска блискост, носи зрак топлина и надеж во можноста за искрена врска. „Кристина“ е тивка, но моќна кинематографска медитација за идентитетот, осаменоста и потребата за прифаќање и љубов.

The post КРИСТИНА – недела, 05 јули 2026 – 22:15 appeared first on telma.com.mk.

Доверливи извори тврдат дека 10-годишната Луси – всушност тивка и мила ученичка во основно училиште – се спрема да ограби банка во пешачката зона на Битигхајм-Бисинген. Нејзиниот мотив е лесен за разбирање: машината за сладолед од ГЕЛЕТЕРИЈА ФЕЛИСИТА, продавницата на родителите на Луси, се расипала. На Луси ѝ требаат пари за да купи нова, за да ја спаси семејната слаткарница. Пред неколку недели, Луси дури и не би преминала преку улица. Неодамна беше тренирана од лошото момче на училиштето, Тристан, како да биде безмилосна и лоша. Операцијата, со кодно име „Лусифер“, опфаќаше различни дисциплини на лошите момци, како што се кражба, лажење, измама и поткуп. Сведоците велат дека обуката била целосен успех: дури и најдобрата пријателка на Луси, Рима, повеќе не ја препознава и е многу загрижена, иако нема апсолутно никаква причина за загриженост.

The post ЛУСИ – ГАНГСТЕРКАТА – недела, 05 јули 2026 – 10:45 appeared first on telma.com.mk.

Поранешната политичарка Јуња живее мирен, стабилен живот со својот сопруг Мати, свештеник по професија. Нивниот брак изгледа совршено – додека таа не открие дека Мати има афера со помлада жена. Наместо да го напушти, Јуња одлучува да го прифати новиот аранжман, отворајќи го патот кон полигамен однос што вклучува уште двајца љубовници.

Со текот на времето, четворицата се обидуваат да најдат рамнотежа меѓу љубовта, љубомората и слободата – во свет кој ретко прифаќа ваква искреност. „Четири возраси деца“ е провокативна, интелигентна драма за љубовта во нејзините најсложени форми и за границите на моралот, желбата и верноста.

The post ЧЕТИРИ ВОЗРАСНИ ДЕЦА – недела, 05 јули 2026 – 00:45 appeared first on telma.com.mk.

Данска, 1933 година. Oпштеството има многу специфични очекувања за тоа како треба да се однесуваат младите жени. Седумнаесетгодишната Марен е дива и непослушна па за да се адаптира е испратена во женска институција на островот Спроге бидејќи локалните власти ја сметаат за „неморална“ и „непослушна“. Одвоена од семејството и лишена од слободата, таа се соочува со суров систем кој настојува да ги контролира и преобликува жените што не се вклопуваат во општествените норми. Во борбата за достоинство и слобода, Марен создава силни пријателства и одбива да се покори на неправдата.

The post ДИВА И НЕПОСЛУШНА – сабота, 04 јули 2026 – 22:30 appeared first on telma.com.mk.

Љубовен хорор инспириран од еврејскиот фолклор.

Маја, поранешна данска актерка, се вљубува во Лија, млада еврејска научничка од Лондон. Кога Лија доживува мистериозен напад, Маја заминува со неа во Лондон за да ѝ помогне во закрепнувањето. Но, во домот на Лија почнуваат да се случуваат необјасниви настани, а нејзината мајка Чана крие мрачни тајни поврзани со древни верувања и натприродни сили. Додека се обидува да ја открие вистината, Маја се наоѓа во средиштето на застрашувачка мистерија што ја загрозува нивната љубов.

The post НОЌТА ИМА ОЧИ – петок, 03 јули 2026 – 22:30 appeared first on telma.com.mk.

Оваа акциона комедија го следи Џеј Џеј, (Дејв Батиста) крут агент на ЦИА, кој поради својата несуптилност упропастува голема акција за сузбивање на нелегална трговија со плутониум за оружје. Поради тоа е деградиран и пратен на прикриено набљудување, каде ке се најде во немилост на супер интелигентната 9 годишна Софи, чие семејство го набљудува. Кога Софи ќе ги открие камерите во станот во кој живее со нејзината мајка, го следи сигналот и доаѓа до Џеј Џеј. За да не го разоткрие, ќе го натера да и помогне да се вклопи во новото училиште и да ја научи како да биде шпион. И покрај неговото противење, разорувачкиот шарм, духовитоста и итрината на Софи ќе го омекнат и ќе го зближат со неа и со нејзината мајка.

The post ОТКРИВ ШПИОН – понеделник, 22 јуни 2026 – 00:50 appeared first on telma.com.mk.

Филмот ја раскажува интимната и емотивна приказна за младиот Сем Фејбелман, кој расте во Америка во 1950‑тите и ја открива својата љубов кон филмот. Преку семејни тајни, лични страсти и предизвици, Сем се обидува да ги разбере сложените односи со своите родители и да најде свој глас како млад режисер. Филмот е делумно автобиографски, инспириран од животот на Стивен Спилберг, и ја истражува магијата, радоста и болката на создавањето уметност и растењето.

Номиниран за седум оскари

The post ФЕЈБЛМЕНОВИ – недела, 21 јуни 2026 – 22:15 appeared first on telma.com.mk.

Тото е роден како најмалото и најслабо пиле во кокошарникот. Кога злобен ранчер ќе се закани дека ќе му го уништи домот и семејството, Тото мора да се претвори од плашливо младо пиле во храбар и снаодлив петел.

Заедно со своите пријатели, Тото тргнува во возбудлива авантура полна со смеа, акција и изненадувања, која ќе докаже дека и најмалите можат да направат големи работи.

The post АВАНТУРАТА НА МАЛОТО ПЕТЛЕ – недела, 21 јуни 2026 – 10:45 appeared first on telma.com.mk.

Креативниот пар Стине и Теит и нивниот син Немо го напуштаат големиот градски живот во Вестербро и се преселуваат во изолирана кабина во шведската дивина. Овде тие се надеваат дека повторно ќе се откријат себеси како поединци додека ги документираат своите искуства во серија на подкаст. За жал, откриваат дека не се толку изолирани како што мислеле: од другата страна на езерото има уште една двојка кои се изненадувачки слични на нив. Наскоро, старите расправии и себичните потреби излегуваат на површина, а Стин и Теит се принудени да се соочат со сопственото его.

Психолошкиот трилер ја истражува основната поделба помеѓу индивидуалистичкото самореализација и обидот да се биде присутен за најблиските. Повеќето од нас имаат небесно ниво на амбиции, и за себе и за нашите партнерисо кои сме во врска. Филмот испитува дали всушност сме премногу опседнати  во себе, за да бидеме добри партнери еден за друг.

The post ИЛУЗИЈА НА БЕГСТВО – недела, 21 јуни 2026 – 00:10 appeared first on telma.com.mk.