Јавните обвинители побараа брзо откривање на лицата кои активираа експлозивна направа во куќа на обвинителката во Кичево

Здружението на јавни обвинители соопшти дека вчерашното поставување на експлозивна направа во куќата на јавниот обвинител во Кичево претставува загрозување на личната сигурност на јавната обвинителка и и членовите на нејзиното семејство, но и закана и напад врз самата институција и владеењето на правото во државата.

Осудувајќи го нападот, јавните обвинители изразуваат силна поддршка на својата колешка да истрае во борбата против криминалитетот, повикувајќи ги истовремено надлежните органи да преземат мерки за брзо откривање на сторителот на овој насилнички акт.

Како што вчера објави Телма, експлозивна направа која предизвикала пожар и го оштетила автомобилот на обвинителката, синоќа околу 19 часот експлодирала во нејзината куќа. Според нашите информации, станува збор за обвинителката Виолета Стојаноска а нејзиниот автомобил Сеат Леон и претходно бил мета на напаѓачи.

Полицијата соопшти дека бил извршен увид и се подигнале примероци од експлозивната направа, која била предадена на техничко вештачење.

 

 

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ