Итен состанок на НАТО поради потегот на САД

Амбасадорите на земјите членки на НАТО во Брисел закажаа итен состанок за денес попладне, откако САД најавија повлекување од меѓународниот договор „Отворено небо“, соопштија дипломатски извори.

„Состанокот е закажан за денеска попладне, на кој ќе бидат анализирани последиците од одлуката која ја најави американскиот претседател Доналд Трамп, истакнувајќи дека Русија не го почитувала договорот и затоа САД, исто така, нема да го почитуваат и ќе се повлечат, наведуваат дипломатските извори.

Според изворите, американската одлука е критикувана во Алијансата и „сите сојузници побарале од САД да останат во договорот“.

Договорот „Отворено небо“ (Open Skies Teraty) веќе две децении овозможува извидувачки летови на невооружени авиони над териториите на 34 земји потписнички, што првично требаше да ја зајакне довербата и да овозможи спречување американско-руски конфликти.

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ