Европскиот парламент одбри визна либерализација за Косово

Европскиот парламент денеска со 420 гласа „за“, 186 „против“ и 20 „воздржани“ се изјасни за укинување на визите за патување на државјаните на Косово во земјите членки на ЕУ.

По објавувањето на веста за одлуката на Европарламентот да ја одбори визната либерализација, косовскиот премиер Рамуш Харадинај порача дека многу наскоро граѓаните на Косово ќе можат да се движат слободно низ Европа.

„Честито нека е, граѓани на Косово! Наскоро ќе се движиме слободно во Европа. Благодарение на сите пратеници и парламентарни групи, на сите партии и држави членки, кои во Европскиот парламент го поддржаа нашето право за слобода на движење“, напиша Харадинај на својот профил на Фејсбук.

До конечната визна либерализација преостануваат уште неколку процедури, кои, според познавачите на приликите во Брисел, можат да потраат уште шест до девет месеци.

Објавено на
© 2018 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ