„Ериксон“ ќе плати 1,2 милијарди долари казни заради корупција

Шведскиот телекомуникациски гигант Ериксон се изјасни за виновен за корупција и се согласи да плати повеќе од една милијарда долари, се вели во соопштението на Министерството за правда на САД.

Министерството посочува дека Ериксон се согласил со Обвинителството во врска со обвинение поднесено во судот во Њујорк.

Ериксон е еден од најголемите светски производители на опрема за мобилна мрежа во светот. Компанијата соопшти дека во септември издвоила 1,2 милијарди американски долари за да се покријат можните казни за истрагата на САД.

Износот од 1,2 милијарди американски долари вклучува казна од 520 милиони американски долари што ќе му се исплати на Министерството за правда, додека 540 милиони долари ќе бидат исплатени на американската Комисија за хартии од вредност. Министерството за правда на САД соопшти дека корупцијата се однесува на пет земји – Џибути, Кина, Виетнам, Индонезија и Кувајт.

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ