Десетмина приведени по вчерашните протести пред Собранието

Приведени се дестемина учесници од синоќешните протести против промена на името на Република Македонија. Полицијата ги уапсила оние кои фрлаа со предмети кон полицијата и Собранието, а најголемиот дел од нив се криеја под фантомки.

Од МВР велат дека за време на собирот, во 20.30 часот, дел од масата, во која имало и група на лица кои биле маскирани со „фантомки“ кон Собранието и кон кордонот од полициски службеници почнале да фрлаат со шишиња, пиротехнички средства, шипки, конзерви и еден молотов коктел, кој не се запалил.

Протестот главно помина без поголеми инциденти освен што дел од демонстрантите во еден момент се нафрлија кон новинарските екипи со пцовки и навреди и не дозволуваа снимање на настанот.

Инаку официјален организатор на протестот нема, на социјалните мрежи навивачката група Комити креираше настан на кој повика народот да се спротивстваи на промена на името. Од говорниците имаше од оваа навивачка група но и од здружението Христијанско братство.

За вечерва е најавен нов протест во 20 часот исто така пред Собранието.

Објавено на
© 2018 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ