Чесите ги продолжија договорите со селекторите

На само еден ден пред стартот на Европското првенство Ракометната федерација на Чешка реши да ја продолжи соработката со селекторскиот тандем на националниот тим Даниел Кубеш и Јан Филип, кои на чело на репрезентацијата ќе останат до 2023 година.

“Овој двоец одлично си ја врши работата. На последното Европско првенство го освоивме шестото место и ние сме задоволни од нивниот ангажман. Кубеш и Филип одлично функционираат и затоа ние решивме да им го продолжиме договорот”, изјави членот на Извршниот комитет на федерацијата, Даниел Чурда.

Репрезентацијата на Чешка е еден од нашите противници во првата фаза од континенталниот шампионат и со Чесите ќе се соочиме на 12 јануари, а почетокот на натпреварот е закажан за 16 часот.

Објавено на
© 2020 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ