Челзи уште еднаш го „тресна“ Динамо Киев: Хет-трик на Жиру (ВИДЕО)

Екипата на Челзи убедливо и доминантно се пласираше во четвртфиналето од Лигата на Европа, откако вечерва со 5-0 славеше на гостувањето кај Динамо Киев.

Премиерлигашот имаше убедлива предност и од првиот натпревар од 3-0 одигран во Лондон, а вечерва само ја докажа својата класа.

Оливие Жиру беше херој на „сините“ постигувајќи хет-трик, а по еднаш во листата на стрелците се запишаа Маркос Алонсо и Калум Хадсон-Одои.

Наполи исто така се пласираше помеѓу најдобрите осум во второто по ранг клупско натпреварување иако на реваншот кај Салцбург загуби со 3-1. Италијанците на домашен терен минатата недела славеа со 3-0.

Валенсија се спаси во 93-тата минута благодарение на голот на Гонсало Гедеш за 1-1 на гостувањето кај Краснодар. Домашниот тим водеше со 1-0 со голот на Магомед-Шапи Сулејманов во 85-тата минута и со овој резултат чекореше кон четвртфиналето, бидејќи на првиот натпревар во Шпанија загуби со 2-1.

Сепак, Португалецот од редовите на Валенсија погоди во самиот финиш да го шокира рускиот тим.

Останатите натпревари се играат во овие моменти.

ДИНАМО К. – ЧЕЛЗИ                    0-5         (0-3)
КРАСНОДАР – ВАЛЕНСИЈА        1-1          (1-2)
САЛЦБУРГ – НАПОЛИ                   3-1         (0-3)
АРСЕНАЛ – РЕН                                               (1-3)
БЕНФИКА – ДИНАМО З.                              (0-1)
ИНТЕР – АЈНТРАХТ Ф.                                   (0-0)
СЛАВИЈА П. – СЕВИЛЈА                                (2-2)
ВИЛЈАРЕАЛ – ЗЕНИТ                                     (3-1)

*во заграда се резултатите од првите натпревари.

Објавено на
© 2019 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ