По точно 18 месеци, стадионите во Шпанија ќе може да бидат исполнети до последното место. Министерството за здравство донесе одлука од петок да нема никакви ограничувања за пополнување на капацитетите на трибините.
Здравствените власти во земјата како причина за измена на протоколите за влегување на стадионите го потенцираа фактот дека до вчера во Шпанија е вакцинирано 76,9 проценти од населението што е сосема доволно да се укинат голем број на рестриктивни мерки.
До вчера на стадионите беше дозволен влез на 60 проценти од капацитетот, но веќе од следната рунда тимовите може да ги играат мечевите пред максимално исполнети трибини.
Што се однесува до натпреварите што се играат во затворен простор ќе биде дозволено присуство на гледачи до 80 проценти од капацитетот на салите на место досегашните 40.