Студентите од Факултетот за безбедност при Универзитетот „Св. Климент Охридски“ Битола овој месец не ги добиле средствата за субвенциониран студентски оброк затоа што факултетот не го доставил потребниот список до Министерството за образование и наука, изјави министерката Весна Јаневска.
Таа појасни дека факултетите имаат законска обврска секој месец, во периодот од 1 до 20 во месецот, да доставуваат ажурирани списоци со студенти што ги исполнуваат условите за користење на правото на субвенциониран оброк, бидејќи бројот на корисници постојано се менува.
„Студентарија“ претходно објави дека и овој месец стотици студенти останаа без субвенциониран студентски оброк, а на секој од погодените студенти им се одземени по 3.640 денари кои законски им следуваат. Оттаму посочија дека ова не е првпат студенти да го изгубат правото на оброк поради административни пропусти. Во текот на оваа академска година, поради вакви случаи на студенти им беа одземени милиони денари кои останаа во државниот буџет, иако станува збор за средства кои законски им следуваат на младите.
Над 1.000 студенти останаа без субвенциониран студентски оброк