Обвинителката Жаклина Крстевска Јосифовска денеска ќе доврши со изнесувањето на завршните зборови во процесот против четворицата обвинети за киднапирањата и убиствата на Вања Ѓорчевска и Панче Жежовски, како и против Александар Ѓорчевски, обвинет за помагање во киднапирањето на неговата ќерка.
Јавноста чека образложение за мотивот користољубие, кој обвинителството го наведува, иако не е побаран откуп, а жртвата веднаш е убиена.
Се очекува и законските застапници на семејствата Ѓорчевски и Жежовски да изнесат отштетни побарувања за причинетата болка и штета. Се очекува и адвокатите на обвинетите да ги дадат своите завршни зборови.
Обвинителката истакна дека убиствата биле сурови, жртвите врзани и немоќни, а случајот предизвика големо внимание поради жестокоста и последиците врз семејствата. По изнесувањео на завршните зборови на обвинителството се очекува јавноста да дознае колкава казна се бара за обвинетите.
