Вести Македонија

Партиите ги мерат рејтинзите на евентуалните кандидати за локалните – можни се договори за коалицирање

Секој што има визија има и шанса, а првите имиња на кандидатите ќе бидат познати кон крајот на мај или почетокот на јуни.

Премиерот и претседател на ВМРО-ДПМНЕ, Мицкоски, вели дека во рамки на партијата и коалицијата испратил повик до секој кој смета дека има програма да се пријави, за потоа да се види расположението помеѓу членството.

Еден од оние кои се надеваат дека успешно ќе го поминат партискиот филтер е актуелниот министер за локална самоуправа, Златко Перински. Неговото име е често споменувано и во партиските редови, во контекст на кандидатурата за Град Скопје.

Застанат рамо до рамо премиерот од владината говорница, повтори дека има амбиција за позицијата градоначалник.

Општинските комитети, коалициските партнери добија порака дека секој од нив којшто има амбиција, којшто има програма, визија, платформа за некоја од општините каде што цени дека може да додаде вредност, да се пријави и ќе биде вклучен во мерењата, вели Христијан Мицкоски, претседател на Владата на РС. Македонија и претседател на ВМРО-ДПМНЕ.

 

Сметам дека можам да одговорам на предизвикот затоа што имам визија, имам план како Скопје конечно да стане европска метропола. Но, секако таа одлука ќе ја оставам на претседателот и на извршните тела на партијата. Јас сум убеден дека кој и да биде кандидатот ќе биде едногласно поддржан од сите нас, кажа министерот за локална самоуправа, Златко Перински.

И опозицијата се подготвува да го мери рејтингот на потенцијалните имиња на кандидати. Очекувањата се дека процесот ќе заврши до крајот на март, а веќе од април оние коишто се одбрани да „трчаат“ на локалните, да се впуштат во активности на терен и во трка по гласови.

Претседателот на Социјалдемократскиот сојуз беше дециден дека нема да коалицира со ДУИ. А, интегративците денеска одговорија на тоа со тврдење дека имаат партнерство со граѓаните – и за нив тоа е најважно.

Коалицијата со останатите партии од Европскиот фронт не е само за еден изборен циклус туку е во контекст на поширока слика, велат од ДУИ.

Го продолжуваме тоа партнерство со граѓаните и како и секогаш, ДУИ и Европскиот фронт ќе бидат најголемите победници на локалните избори. Веќе се прават консултации бидејќи таа коалиција не е направена само за еден изборен циклус туку претставува една поголема и поширока визија за градење на една заедничка држава која ја рефлектира хетерогеноста на нашето општество, вели Арбер Адеми од ДУИ.

Додека опозициските партии се позиционираат и се усогласуваат, можни коалиции за изборите се најавуваат и од владините редови.

Вицепремиерот Меџити веќе најави дека се прави договор  владејачките партии, за поддршка на локалните. Дали тоа ќе биде пред првиот круг или подоцна, ќе се утврдува допрва.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

ФОТО/ВИДЕО Кармина Бурана во Софија- Филхармонија заедно со бугарските и грчките колеги изведоа маестрално за стоечки овации

Дејан Дејан

Трамп бара половина од рудното богатство на Украина за да почнат заеднички бизнис-Telegraph објави детали од американската понуда

Дејан Дејан

Украина, но и нормализација на односите меѓу Москва и Вашингтон – Лавров и Ушаков пристигнаа во Ријад

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе