Откупот на тутунот во Македонија е при крај, со веќе откупени над 20.000 тони по просечна цена од 400 денари.
На терен остануваат уште околу 1.000 тони, главно во прилепско-пелагонискиот регион.
Сојузот на тутунските здруженија очекува дека откупот ќе заврши за 10 до 15 дена, иако законскиот рок е до крајот на февруари.
Во исто време започнати се преговори за новата реколта и се дискутираат цените и почитувањето на Законот за тутун.
Тутунопроизводителите изразуваат задоволство од цените и субвенциите, и се надеваат на продолжување на динамиката на производство.
Во земјава околу 20.000 семејства се занимаваат со одгледување на оваа култура.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.