Родителите од Општина Кисела Вода вечер имаа можност да разговараат и да се запознаат со проблемот со врсничкото насилство во рамки работилница која е дел од општествена кампања на Макпетрол „Крени глас – Стоп за булинг“ во основното училиште „Кирил Пејчиновиќ“.
Ова е шестта едукативна средба, а за стручниот аспект на темата, со родителите дискутираа психологот Деспина Стојановска и Борче Миревски директорот на училиштето „Кирил Пејчиновиќ“. Ваквите едукативни средби на децата и на учениците им обезбедија можност да се стекнат со знаења за булингот.
За нив, но и за нивните родители и наставници, компанија Макпетрол испечати и достави прирачници за полесно справување со овој сериозен проблем.Работилницата во Кисела Вода доаѓа по петте претходни настани организирани во Карпош, Аеродром, Центар, Куманово и во Кочани, каде што учествуваа и граѓани од Виница и Берово.