Булеварите и улиците речиси празни, термометарот достигна и до 39-тиот степен, топлото време ги затвори граѓаните. Но портокаловата фаза и не почитувањето на препораките на лекарите, ги зголеми повиците од граѓаните до итната медицинска помош. И болни и здрави на удар од пеколните горештини, а колапсите и инфарктите станаа се почести. Пиење повеќе вода и течности, носење лесна облека и без движење надвор во периоди кога е најтопло, да се внимава на исхраната, а хронично болните редовно да ја примаат терапијата, советуваат лекарите од Итната медицинска помош.
Топло време не очекува и во текот на наредните денови, велат метеоролозите.
Во последите 24 часа до центарот за управување со кризи имало повеќе од 2илјади повици од граѓани кои побарале помош. Регистрирани биле и 12 пожари на отворено, од кои четири се уште се активни, и тоа во Општина Градско, Кичево, Дојран и Општина Ново Село.
Симона Петровска
