Вести Македонија

Филмска несреќа на железничка пруга во Велес-Градско: Возило излетало, па се заглавило на пругата, пожарникари и полиција се бореле да ги извлечат патниците

Едното од лицата, според соопштението на ЦУК, било потешко повредено и се наоѓало во возилото кое било заглавено на железничката пруга.

Две лица вчера биле извлечени од патничко возило откако излетало од регионалниот пат Велес-Градско и се заглавило на блиската железничка пруга, информира Центарот за управување со кризи (ЦУК).

Оттаму велат дека возилото излетало од патот поради неприспособена брзина, по што нивните екипи во брза спасувачка акција ги извлекле двете повредени лица.

Акцијата морала да се заврши во определено време, односно до наредно поминување на возот на овој дел од пругата.

„Акцијата беше ограничена со време. Покрај пожарникарите, на терен интервенираа и полицијата, итната медицинска помош и екипите на АМСМ и на ЈП ‘Македонски железници‘“,велат од ЦУК.

Едното од лицата, според соопштението на ЦУК, било потешко повредено и се наоѓало во возилото кое било заглавено на железничката пруга.

„Хаварисаното возило мораше да се отстрани брзо од пругата до наредното поминување на возот Велес-Градско, односно во период од 15 до 17 и 30 часот“,информира ЦУК.

Повредените лица биле пренесени во велешката болница.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

(ВИДЕО/ФОТО) Изгаснат пожар во Лисиче. Можел да зафати и куќи

Дејан Дејан

Триесет членови, 24 министерства и седум потпретседатедели – Црна Гора има нова влада

Дејан Дејан

Убиство на гостиварско Дебреше – застрелан помлад жител на селото

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе