Американската сојузна држава Мериленд ќе поништи 175.000 пресуди за употреба на марихуана издадени во изминатите децении.
Со потпишувањето на овој декрет за помилување денес, имам намера да исправам голем број историски неправди, рече Мур, демократ и прв афроамерикански гувернер на Мериленд, за американските медиуми.
Од криминалните досиеја на повеќе од 100.000 луѓе ќе исчезнат пресудите за поседување марихуана, која сега е легална во земјата и широко се конзумира.
Мериленд, држава со шест милиони жители на источниот брег на Соединетите Држави, ја легализираше рекреативната употреба на марихуаната и нејзината продажба на мало на референдум во 2023 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.