48 часа притвор за скопјанец поврзан со двојното убиство во „Шиша бар“ во Старата скопска чаршија. Дел од медиумите пишуваат дека уапсен е купувачот на возилото марка „Ауди“ кое подоцна беше пронајдено запалено. Од Обвинителството нема потврда за ваквите информации, а во официјалниот одговор има пишува само дека е одреден притвор, но не и дека лицето е поврзано со двојното убиство.
Со оглед на тоа што во предметот во кој е определен краткотраен притвор за едно лице постои сериозна можност за компромитација на истрагата во оваа фаза, во интерес на тајноста на постапката не сме во можност да споделуваме никакви детали, се вели во официјалното соопштение на Јавното обвинителство.
Убиството се случи на 6 март, а напаѓачите влегле во Шиша бар во Старата скопска чаршија и биле облечени во црна облека налик на униформа по што повикале дека станува збор за полициска рација.
Кога ги нашле „таргетите” почнале да пукаат во нив и избегале. На лице место се убиени Јетон Кривањева викан Жила и Енес Исени.
По нападот, групата убијци избегала со Ауди А6 кое е најдено запалено во Шуто Оризари. Регистрациите на запалениот автомобил биле украдени од друго возило.