Издавањето меѓународна потерница за рускиот претседател Владимир Путин ќе има негативни последици и само ќе ја продолжи војната во Украина, смета српскиот претседател, Александар Вучиќ.
Неговата изјава доаѓа откако Меѓународниот кривичен суд во петокот издаде потерница по рускиот лидер, обвинувајќи го за воени злосторства.
МКС го обвини дека носи лична одговорност за киднапирањата на деца од Украина за време на целосната инвазија на Русија врз нејзиниот сосед, која започна пред речиси 13 месеци.
Иако Србија бара членство во Европската унија, таа одржува блиски врски со Русија и е единствената европска држава која одби да се приклучи на меѓународните санкции против Москва.