Триестина спасувачи и пожарникари од повеќе општини низ земјава се спремни да заминат кон погодените подрачја од земјотресот во Турција и кои ќе го формираат вториот македонски конвој, потврдува за Телма директорот на Дирекцијата за заштита и спасување, Беким Максути. Меѓу спасувачите и пожарникарите во вториот конвој се е и петмина штипски пожарникари.
Командирот на Противпожарната единица, Дарко Коцев вели дека опремата за спасување и возилото е подготвено, а во моментов го чекаат само повикот за да тргнат и да бидат дел од конвојот за спасување во настраданите места во Турција.
Максути за Телма вели дека вториот спасувачки конвој е подготвен, сега се чека само одлуката од Владата.
За вториот македонски конвој информирани се и дипломатските конзуларни претставништва во Турција и Грција, за да непречено се движат по патиштата низ овие земји. Максути упати благодарност и до грчките власти, кои овозможиле непречено движење на првиот конвој, кој беше составен од 40 тина спасувачи и пожарникари координирани од Дирекцијата за заштита и спасување.
Викторија Јованова