За нов претседател на Академијата за судии и обвинители се пристигнати три кандидатури, потврдија за Телма од Академијата.
За нов мандат се кандидира Наташа Габер Дамјановска, која ја водеше Академијата во последниот мандат, а на изборите во јуни повеќе членови на Управниот одбор избегнаа да гласаат за еден од двајцата кандидати (Шопар и судијката Оља Ристова) за да не се избере нов претседател и да се кандидираат други кандидати.
Судијката Емилија Шопар Јованова од скопскиот граѓански суд е втората кандидатка за директор, а за важната функција во образовниот процес на судиите се кандидираше и Ненад Савевски, судија во Основниот кривичен суд во Скопје.
До утрешниот избор, привремено и два дена в.д. директор ќе биде Бесир Алиу, член на Управниот одбор на Академијата и јавен обвинител на Основното јавно обвинителство Тетово.
Претходно в.д.директор беше Зоран Герасимовски кој иако е член на Судскиот совет и има акумулација на многу функции ја доби поддршката на своите колеги од УО на Академијата за судии и обвинители.
Откако ДКСК укажа дека не може директор да биде судија кому функцијата му е во мирување, Герасимовски си даде оставка.