Рано утрово во четврток 38-годишен кумановец нападнал вработена во болницата во Куманово, во инфективното одделение.
Полицијата го пронашла и го уапсила. Се подготвува кривична пријава, соопшти МВР преку дневниот билтен.
На 29.09.2022 година во 01.40 часот, полициски службеници од СВР Куманово го лишиле од слобода Ф.Ј.(38) од Куманово, затоа што со остар предмет нападнал и повредил вработена на Инфективното одделение во Општата болница Куманово. Тој бил задржан во полициска станица и по целосно документирање на случајот против него ќе следува соодветна пријава.