Последен ден од референдумското изјаснување во четирите региони, Доњецк, Луганск, Херсон и Запорожје.
Руските сепаратистички власти задоволни од излезноста изминатите четири дена во очекување во четврток Руската Дума да ги разгледа резултатите и да ги формализира во одлука за нивно припојување кон Руската Федерација.
САД уште еднаш порачаа дека никогаш нема да ги признаат резултатите од референдумот тврдејќи дека ова е само дел од планот на Кремљ за анексија на суверена територија на Украина. Обединетото Кралство пак веќе најави 92 нови санкции насочени кон голем број членови на одборот од организации поврзани со Москва како одговор на лажните референдуми поддржани од Русија оценувајќи го потегот како јасно кршење на меѓународното право, вклучително и повелбата на ОН.
Загриженост за референдумите што се одржуваат во окупираните региони на Украина изрази и Турција и најави дека нема да ги признае резултатите.
Погледенете ја изјавата на Мевлут Чавушоглу – министер за надворешни работи на Турција: