Министерот за земјоделство Љупчо Николовски, ги демантира пелагониските сточари и тврди дека не за две години, туку дел од субвенциите не се исплатени за само неколку месеци.
Вели дека Владата со многу мерки и политики ги поддржува сточарите, а до крајот на годината ќе се исплатат сите заостанатит субвенции со средства обезбедни со ребалансот на Буџетот.
Според Николовски, основната државна помош е целосно исплатена, се доцни со субвенциите за предаденото млеко
„Точно, од основање на платежната ангеција до денес најмногу се доцни со исплатата на субвенциите на сточарите. Токму затоа уште пред кризата испланиравме и побаравме од Министерство за финансии целокупната сума на средства која се должи кон сточарите да се исплати. Сега се потврдува дека таа политика била исправна“ вели Љупчо Николовски, министер за земјоделство
Министерот вели дека се преземаат сите мерки за да се обезбеди доволно храна, се вложуваат максимални напори за да се зголеми домашното производство.
Се менува моделот на поддршка на земјодлеците и се воведуваат дополнителни субвенции за стратешки култури.
„Верувам дека со сите овие мерки ќе го одржиме во ваква криза интересот, а државата ќе обезбеди доволно количина на храна . Затоа сум сигурен дека мерките и сите програми што ги презедовме на време, уште пред кризата, даваат резултати и верувам дека ќе се избориме заедно да го зголемиме домашното производство на храна“ – вели Николовски.
Николовски вели дека не сме единствена држва која е погодена од кризата, а Министерството за земјоделство не е надлежно институција која ги креира цените на ниту еден производ, па ниту на млекото и млечните производи, кои во последните месеци сенормно се покачени, за разлика од откупната цена на млекото, која се движи од 20 до 30 денари, а сточарите бараат зголемување за 70 проценти.
Емилија Мисирлиевски