„Динамичен ден. Киднапиран пратеник, криминал, уцени, срам, и нормално најголемата желба на СДСМ-ДУИ да ме немало во политиката… после 45 минути лесна хируршка интервенција, се чувствувам одлично. Огромна благодарност до д-р Џиковски, Срцева, Пеев и останатите.
Одиме понатаму, ние сме тоа што тие не се – Обединети за нова иднина на Македонија!“, објави пред малку лидерот на ВМРО – ДПМНЕ Христијан Мицкоски.
Директорот на Торакална хирургија, Неџати Јакупи, за Телма изјави дека Мицкоски имал интервенција на вратот од каде му одстраниле атерон (масно ткиво), а интервенцијата била предходно договорена. „Интервенцијата е извршена со локална анестезија и пациентот е пуштен на домашно лекување“, вели Јакупи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.