За првпат по повеќе од една година на Инфективното одделение во битолската Клиничка болница нема ниту еден хоспиталзиран пациент позитивен на Ковид-19. Ниту во наредниот период заболените од вирусот нема да се прифаќаат во оваа дотраена, стара половина век згарада и со исклучително лоши услови. Тие ќе се примаат во модуларната болница, затоа што започнуваат подготовките за целосна реконструкција на стариот објект, која ќе трае подолго време. Во меѓувреме ќе се санира дел од зградата кој ќе се користи само доколку има поголем есенски бран, што го наговестува Делта сојот на вирусот.
За почеток новите пациенти кои што би ги имале во евентуалниот есенски бран ќе бидат сместени во Модуларната болница која што е нова, спремна и опремена и располагаме со 90 кревети. Но, од искуството што го имаме досега, мораме да бидеме подготвени и да ја имаме за секој случај и старта зграда, но нема хоспитализациите првично да бидат во старата заграда, туку во Модуларната болница, вели директороката на Клиничка болница Битола, Билјана Гагачовска.
Во Регионалниот центар во Битола процесот на имунизција се одвива без проблеми и досега се вакцинирани над 45 илјади граѓани, а здравствените работници уште еднаш апелераат за што помасовна вакцинија.
Веќе тече кампањата дека од 12 јули вакцинацијата ќе биде слободна, и ќе можат да се вакцинираат и непријавените. Во Битола работи пунктот за вакцинација и апелирам населението во што поголем број да се вакцинира, бидејќи тоа е единсвеното оружје што го имаме да се победи оваа пандемија, се друго е само менаџирање на последиците, вели Гагачовска.
Во пролетниот бран, Битола, заедно со Прилеп беа најголемите жаришта на вирусот од градовите во внатрешноста.
Емилија Мисирлиевска
