10.000 вакцинирани граѓани во Регионалниот вакцинален пункт во Тетово. Редиците можат да се забележат уште на самиот влез на спортската сала на Медицинското училиште, каде се наоѓаат пунктовите. Интересот е се поголем бидејќи населението спасот го гледа токму во имунизацијата.
Процесот на имунизација во моментов се врши со вакцина од кинеската компанија Синофарм, а термините се закажуваат според возрасната категорија.
Тетовската градоначалничка, Теута Арифи, оцени дека процесот на имунизација тече без поголеми проблеми, а гужвите пред Центарот се создаваат поради административните процедури.
Инаку напоредно со зголемениот интерес за вакцинација се намалуваат и бројките на новозаразени од ковид 19. На територијата на општина Тетово и околните општини има 118 активни случаи, заклучно вчерашниот ден.
Данијела Билбилоска