Доајенот на македонското спикерство, Бранка Станковска, жена со чиј глас пораснаа генерации гледачи на РТВ Скопје, каде таа беше првата спикерка и водителка на вестите. Нејзината најава на првиот телевизиски пренос од Црн Врв на 5-ти јуни 1964 година е почетокот на ТВ Скопје, емитувана преку сопствена телевизиска мрежа.
На 14-ти декември, Станковска ги читала и вестите на првиот телевизиски “Весник”, кој го означил почетокот на емитувањето на редовната програма на Македонската телевизија.
Веста за смртта на Бранка Станковска на Фејсбук ја соопшти нејзината внука Ирина Костовска, која емотивно се прости од својата баба.
“Тивко во сон си замина мојата баба Бранка Станковска. Дочека да биде и чукунбаба, имаше убав живот, изгледа внуци, правнуци и праправнука. Имам прекрасни спомени од неа, можеби затоа што бев прва внука па бев привилегирана од мала да поминувам повеќе време со неа. За работата што да напишам, беше вистински професионалец дури и по нејзиното пензионирање беше активна и сеуште може да се слушне нејзиниот глас на радио програмите. ТОЧНО Е 12.00 часот. Почивај во мир бабо и после многу години ќе се сретнеш со својата единствена и голема љубов, дедо Бошко!” – напиша Ирина Костовска.
Телевизија Телма изразува сочувство до семејството на Бранка Станковска, од зградата каде таа и ја почна својата навистина легендарна кариера.