Uncategorized Најважни

Шест матични лекари почнаа со работа на инфективното одделение во Прилеп

Прилепските матични лекари од вчера  се вклучија во дежурставата на Инфективното одделние во болницата во Прилеп. Како што информираат од нивното Здружение,  тие  имаат 4 часовни смени, а ќе ротираат за време на викендите, кога има најголема потреба. Прилепската болница се соочува со недостиг на медицински персонал, а дел од здравствените работници се позитивни на вирусот и се во изолација. Засега се вклучени 6 матични лекарии, кои  се одзваа на повикот на градоначалникот Илија Јованоски, да помогнат во битката со КОВИД-19 во оваа сложена епидемиолошка сосотојба во Прилеп.

-Побаравме од Здружението на матични доктори од нашиот град да се вклучат во помош на докторите од Инфективното одделние, затоа што и тоа како им е потрбна помош. Во последните 7-8 месеци откако е почната пандемијата, тие се изморени и истоштени и вистински им е потребна помош. Доволни се 5-6 за почеток, па секоја недела ќе се зголемува бројот, рече градоначалникот на Прилеп, Илија Јованоски.

Јованоски  минатата недела  од Главниот кризиен штаб побара и карантин за Прилеп поради драматичниот  пораст  на бројот на новозаболени, хоспиталзирани и починати лица. Но министерот Венко Филипче  на средбата во саботата  му ја пренесе одлуката на Комисијата за заразни болести, дека ниту во Прилеп ниту на територијата на цела држава не се предвидени други рестриктивни мерки освен постоечките-забарана за работа на угостителските објекти по 21 часот и забрана за групирање во текот на целото деноноќие.

Инаку  од почетокот на пандемијата до денес,  во Прилеп има речиси 3000 заболени  и 129 починати од КОВИД-19.  Половината од вкупниот број на заразени и смртни слуачи се во ноември.

Емилија Мисирлијевски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Изет Маџити од „Вреди“ ќе седне во фотелјата на Артан Груби како прв вицепремиер

Дејан Дејан

Како да не пораснат сметките за граѓаните, ако набавната цена на струјата се зголемува?

Дејан Дејан

30-годишна жена од Македонија загина во сообраќајна несреќа во Грција

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе