Претседателот на самопрогласениот ерменски регион во Азербејџан, Нагорно-Карабах, Арајик Арутјунјан изјави дека тој лично се упатил на фронтот во борбата против азербејџанската армија.
Азербејџанските сили утринава го гранатираа главниот град на Нагорно Карабах, Степанакерт. Како што е наведено, во градот се слушнале три експлозии, а биле погодени и инфраструктурни објекти.
Францускиот претседател Емануел Макрон телефонски разговараше со азербејџанскиот претседател Илхам Алиев и повторно го повика на прекин на огнот во Нагорно-Карабах и мировни разговори.
Во истовреме пак Државниот секретар на САД, Мајк Помпео повика трети земји да останат надвор од конфликтот околу спорниот регион Нагорно Карабах и нагласи дека се надева оти извештаите за сириски борци кои пристигнуваат во Азербејџан преку Турција не се точни.
- Како резултат на успешното делување на нашата војска, на висорамнината Мадагиза во насока на Агдара ослободени се од непријателите. Во насока на Јабраил-Фузиј нашите трупи го скршија отпорот на непријателот го присиливме на повлекување и напредуваме- Анар Ејвазов, портпарол на Министерството за одбрана на Азербејџан.
- Братската азербејџанска држава започна голема офанзива за да ја одбрани сопствената земја и да го ослободи Нагорно Карабах кој е под окупација. Азербејџанската војска успешно напредува на фронтот и ослободи многу места. Со целата своја способност и со сето срце, и понатаму ќе бидеме со Азербејџан- Реџеп Таип Ердоган, претседател на Турција.