Србија испрати барање до Франција за екстрадиција на Харадинај

10 January, 2017 - 14:38

Министерството за правда на Србија денеска до француските правосудни органи испрати барање за екстрадиција на поранешниот косовски премиер Рамуш Харадинај, јави ТАНЈУГ.

Покрај барањето за екстрадиција, испратена е и документација преведена на француски јазик, врз чија основа француското правосудство ќе одлучи за исполнување на условите за испорачување на Харадинај во Србија.

Харадинај минатата среда беше приведен на аеродромот Милуз во францускиот дел на Базел, врз основа на потерница издадена од Србија во 2004 година и од тогаш се наоѓа во притвор.

Тој во Србија е осомничен за воени злосторства против цивилното населени во Дукаѓини во 1998 и 1999 година, кои не се опфатени со обвинението на Хашкиот трибунал, од кое тој е правосилно ослободен. 

Веста е прочитана 609 пати

Copyright 2015 Телевизија Телма. Сите права се задржани. Текстов не смее да се печати или емитува, во целина или во делови, без договор со Телевизија Телма.