Турски разузнавачки авион го нарушил грчкиот воздушен простор над Егејското море

Турски разузнавачки авион бил пресретнат од грчката воена авијација во областа над Егејското море, јави грчкиот портал „Њуз.ин“.

Според Генералштабот на националната одбрана (ГЕЕТА) на Грција, авионот пет пати го нарушил грчкиот воздушен простор.

Во истата област имало уште две нарушувања на воздушниот простор, кои ги извршиле турски хеликоптери.

Во исто време, вкупно осум турски авиони од типот Ф-16, ЦН-235 и четири хеликоптери, десет пати ги нарушиле правилата за авијација во зоната за летови над Атина.

Турските авиони беа пресретнати од грчки ловци согласно меѓународните правила, информира „Њуз.ин“

Објавено на
© 2018 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ