Деклан Рајс ќе биде една од ѕвездите на летниот преоден рок, а фудбалерот на Вест Хем веќе решил каде ќе ја продолжи кариерата.
Според пишувањето на медиумите во Велика Британија, англискиот репрезентативец по завршувањето на сезоната ќе си замине од Вест Хем, но ќе остане во Лондон бидејќи решил да ја прифати понудата за трансфер во Арсенал.
Рајс со сегашниот клуб има договор до 2024 година и со оглед на фактот дека тој не сака да ја продолжи соработката ќе може да ја смени средината за сума од 100 милиони евра.
Неофицијално Рајс веќе имал контакти со менаџерот на Топчиите, Микел Артета, кој соопштил дека Арсенал е подготвен да го плати бараното обештетување и се очекува тој во текот на летото да ја смени средината.
Покрај Арсенал за Рајс заинтересиран беше Челзи, кој доколку се реализираат најавите ќе мора да бара ново решение за засилување на средниот ред.
ФОТО: Игор Паневски