Вработените во службите во обвинителствата во земјата и се спротивставија на власта. Законот која го предлага го прикажува како реформски а тој ќе биде пропуштена можност ако се донесе напишаа во јавната реакција која освен до медиумите велат ќе ја испратат и до делегацијата на европската унија во земјава.

„Наместо да обезбеди поголема самостојност на Јавното обвинителство и вистинско издвојување на јавнообвинителската служба од системот на јавната администрација, предложениот закон ги задржува постојните ограничувања, не ги надминува кадровските проблеми и не нуди решенија за долгогодишните предизвици со кои се соочува службата. Предупредуваме дека усвојувањето на ваков закон нема да доведе до зајакнување на институционалните капацитети на Јавното обвинителство, туку ќе ги задржи истите слабости поради кои реформата воопшто беше започната“, стои во реакцијата на вработени во сите јавни обвинителства.

Предлог законот за јавнообвинителска служба вчера доцна попладнето го помина првото читање во Собранието. Тие се загрижени што верзијата доставена до Собранието целосно се разликува од оној напишан од Работната група во која учествуваа претставници на Јавното обвинителство, институциите, академската заедница и меѓународните партнери. Тој е закон од таканаречената Реформска агенда но вработените сметаат дека со него не се анадминуваат проблемите со недостигот на кадар и не се  подобрува на материјалниот статус, а останува и истиот систем на пресметка на плати. Заменик министерот за правда Ален Деребан за телма вели дека ова не е конечна верзија на законот.

„Следната недела ќе има Јавна расправа во Собранието токму за овој закон, на која ќе може да присуствуваат засегнатите. Нивната реакција во најголем дел е за платите и статусот, но кога се водеше работната група имаше една фактичка состојба а сега друга. Во меѓувреме беше донесен колективниот договор и покачувањето на платите со него веќе се донесе. Не може сега да има двојно зголемување. Проблемот со статусот на вработените пак е решен со законот за административни службеници кој стапува на сила од 01.01.2027 година“, изјави Ален Деребан – заменик министер за правда.

Вчера Синдикатот на вработените беше на средба во Министерството но доцна попладнето истиот закон го помина првиот филтер во собранието. За тоа сега сите вработени ги повикаа пратениците да обезбедат законско решение што навистина ќе придонесе за самостојност, ефикасност и професионализација на јавнообвинителскиот систем. Во обвинителствата во земјава се вработени околу 350 луѓе.

Билјана Николовска

The post Вработените во обвинителствата контра власта – законот за служба во ЈО не чини appeared first on telma.com.mk.

По седум години затвор за Ѓоре Петровски викан Американецот и Даниел Димески – пресуди Велешкиот суд во случајот за потпалување на викендичка во село Капиново во мај минатата година, која до темел изгоре.

Претходно, за истиот случај Сашо Муневски призна вина и доби исто така 7 години затвор. Според обвинението, Муневски и Димески влегле во викендичката и ја запалиле, а Петровски им помагал, односно им ја посочил локацијата.

Муневски рече дека ја запалил поради нарачка, но евентуалниот нарачател не беше обвинет. Обвинителството соопшти дека тоа ќе биде предмет на понатамошна обработка. Димески се бранеше дека мислел дека ќе одат да крадат компјутери со биткоини, а не да палат. Петровски негираше вина. Нивната одбрана побара ослободителна пресуда и најави дека ќе се жали ако не ја добијат.

Осудениот тврди: Нѝ ветија 25.000 евра за подметнување на пожарот во Капиново

The post По седум години затвор за Ѓоре Петровски – Американецот и Даниел Димески за потпалување на викендичка во Капиново appeared first on telma.com.mk.

Од над 30 до над 50 отсто зголемување на цената за својата услуга. Вакви барања добиле регулаторите од трите фирми за парно греење на ЕСМ.

Најголемо зголемување од скоро 54 отсто на цената сметаат дека треба да добијат од компанијата која го врши снабдувањето со топлинска енергија.  ЕСМ Дистрибуција пак доставиле барање за зголемување на цената за дистрибуцијата за над 45 проценти, а ЕСМ производство за над 32 отсто.

• ЕСМ Снабдување      53,9 %
• ЕСМ Дистрибуција    45,5 %
• ЕСМ Производство   32,7 %

Од Државните електрани за Телма тврдат дека во овие пресметки освен прогнозите за цената на гасот кој имала најголем дел од трошоците на компаниите, реалните нивни трошоци направени за време на претходната грејна сезона, влегувале и стари трошоци од претходни години за кои тврдат дека регулаторите им ги имаат признаено,  но истите не биле вклучени  при носењето на тогашните одлуки за крајната цена на парното греење.

Во овој процент најголемо учество имаат трошоците од претходни одлуки на РКЕ, со цел да се надомести загубата на друштвата од претходни грејни сезони согласно правилникот за цена, додека зголемување на цената од само 14 % предизвикуваат трошоците за гас согласно прогнозите како и неопходните трошоци за извршување на дејноста, пишува во дописот на ЕСМ 

Но, сега останува да се види каква одлука ќе донесе Регулаторна комисија. Кои од трошоците ќе им бидат прифатени, а кој не.

Новата цена на греењето треба да се донесе до крајот на јули, а да важи од први август.

Последно, парното поскапи за 5, 9 отсто, со образложение дека треба да се направат  неопходни инвестиции во мрежата поради која изминатата грејна сезона имаше и доста проблеми.

Инаку, трите фирми за парно на ЕСМ се најдоа и на листата на должници на Министерството за финансии. Најмногу доспеани, а неподмирени обврски има ЕСМ Дистрибуција.

Ирена Чачкова 

The post Барања за зголемување и до 54 отсто, фирмите за парно ги доставија пресметките, последниот збор ќе го има РКЕ appeared first on telma.com.mk.

МНТ со претставата ” Страв и надеж” ја освои главната награда за уметничко остварување на  претстава во целина на 60. МТФ” Војдан Чернодрински”, што завршува вечерва во Прилеп.

Претставата е работена по текстот на германскиот автор Франц Ксавиер Крец, а во режија на Татјана Мандиќ- Ригонат од Србија.

Зад одлуката стои  меѓународното жири во состав: Снежана Конеска- Руси- претседател и Дарко Лукиќ и Аида Буквиќ, членови.

The post МНТ со претставата „Страв и надеж” ја освои главната награда на МТФ” Војдан Чернодрински” appeared first on telma.com.mk.

НУ Музеј на македонската борба за самостојност во соработка со Амбасадата на Италија во Република Северна Македонија, на 15 јуни 2026 година во 17.00 часот во Порта Македонија во Скопје, организира предавање и изложба посветени на историските случувања на Македонскиот фронт за време на Првата светска војна. Координатор на настанот е м-р Даниела Николова.

Во рамките на програмата, историчарот проф. Фабио Котифава ќе одржи предавање на тема „Италијанската експедиција на Македонскиот фронт во Големата војна: човечката димензија на конфликтот“. Предавањето ќе понуди нови согледувања за улогата на италијанските сили на Македонскиот фронт и за човечките судбини обликувани од воениот конфликт.

По предавањето ќе биде отворена изложбата „Од другата страна на фронтот“, на авторите м-р Даниела Николова, кустос советник, и Даниела Митевска, кустос од НУ Музеј на македонската борба за самостојност. Изложбата претставува избор на репродукции од делата на италијанскиот сликар Алфонсо Коради (1869–1957), кој престојувал во Македонија за време на Првата светска војна. Преку неговите цртежи, слики и поштенски картички се документирани македонските предели, населби и секојдневниот живот во годините на воениот конфликт, оставајќи драгоцено визуелно сведоштво за еден значаен период од историјата на Македонија.

Посетителите ќе имаат можност да ја запознаат Македонија низ погледот на еден италијански уметник и сведок на времето, истовремено откривајќи дел од заедничкото историско наследство што ги поврзува двете земји. Настанот е дел од заложбите за продлабочување на културната соработка меѓу Италија и Македонија и за промоција на историските и културните врски меѓу двата народа.

The post Изложба и предавање во Музејот на македонската борба посветени на Македонскиот фронт за време на Првата светска војна appeared first on telma.com.mk.

По пристигнување на пратките во Царинската Испотава Пошти, наменети за лицето Ј.Е., царинските службеници извршија контрола со скенер за поштенски пратки, при што е детектирана сомнителна содржина.

Повикан е мобилен царински тим и царинско куче, а  по тестирање на содржината со специјална опрема е утврдено дека во четирите пратки се наоѓа наркотична дрога, и тоа метамфетамин со тежина од 12,5 грама, МДМА со вкупна тежина од 20 грама и кокаин со тежина од 8 грама.

По налог на јавен обвинител, инспектори за спроведување истраги, во моментот на примопредавање на пратката, го приведоа лицето Ј.Е. и извршија претрес на домот каде живеел заедно со сопругата.

При претресот дополнително се пронајдени две стаклени шишенца со зелена растителна материја со интензивен мирис, две стаклени лулиња за пушење марихуана и 33 ампули тестостерон.

Дрогата пронајдена во поштенските пратки и домот на лицето е одземена и испратена на вештачење, а против лицето ќе биде поднесена кривична пријава до надлежното јавно обвинителство.

The post Државјанин на САД нарачал дрога скриена во ДВД-а, уапсен е кога ја примал пратката appeared first on telma.com.mk.

Вработени во Клиниката за детски болести денеска излегоа на протест пред Министерството за здравство. Станува збор за околу 50 вработени кои шест месеци не примиле плата и се уште немаат продолжени договори за работа.  Револтирани се затоа што надлежните институции не го решаваат нивниот проблем и покрај тоа што и претходно реагирале до Министерството за финансии и им било речено дека ќе се направат напори да се надмине проблемот , до овој момент нивниот статус не е решен. Очекуваат средба со министерот за здравство Азир Алиу.

„Работевме шест месеци без ниту еден одговор. Одговорот од Министерство за финансии ни стигна дури во април, а ние за тие месеци сме работеле чесно и сме служеле на Клиниката и на децата.  Пред два три дена излезе министерот излезе и изјави дека сме биле волонтери, а ние немаме ниту докмунт потпишани и дека сме работеле како волонтери до сега“, изјави Самир Нухи, вработен на Клиниката.

„Директорот на клиниката очекува позитивен одговор од Министерство за финансии за да се вратиме на работа“, изјави Седат Буши, друг вработен.

На прашањето „А дали има поднесено барања ?“ тој одговори „Па документите се поднесени од декември. Значи за истите луѓе станува збор што сме работеле 2025, 2024 и за 2026. Значи одговорот е негативен. Бевме минатата недела во финансии, они ни рекоа ќе почнеме од почеток ќе видиме. Министерот за здравство изнесува некои зборови кои немаат никаква база, не може да бидеме како прво вработени, да земаме плата до декември 2025 та, а од јануари да бидеме волонтери, нема тоа логика“, објасни Буши.

The post Вработени од Детска клиника на протест: Шест месеци без плата и без продолжени договори appeared first on telma.com.mk.

The post Тетовец на 78 години доби притвор за физички напад на сопругата appeared first on telma.com.mk.

„Наместо Судски совет нека се формира друштво со ограничени правни знаења и одговорност“ – ова е коментарот на универзитетскиот професор Денис Прешова по информациите дека Судскиот совет побарал од Собранието толкување на одредби од новиот Закон за Судскиот совет, поврзани со престанок на мандат на член поради исполнување услови за пензија.

„Дајте да не се зафркаваме и да го укинеме ова тело и да формираме Агенција за судство на чело со некој директор или, подобро, нешто налик на некое тело со јавни овластувања наречено Судо-промет, Интер-суд-екс или Судо-шпед, кое ќе биде друштво со ограничени правни знаења и одговорност за промет со судски интегритет, судска трговија и тезгарење“, напиша Прешова.

Тој прашува како е можно институција составена од судии и правници да не може самостојно да ги толкува законските одредби што ја регулираат нејзината работа, а го критикува и Собранието кое како што наведува  „со сиот памет, или отсуство на истиот, одговорило со писмо(!) во кое дава толкување на одредбите од Законот за Судскиот совет дека може да се констатира престанок на мандатот на членот на СС (!!!!)“.

„Чуму ни седат таму ‘врвни’ судии и ‘истакнати’ правници ако ова се случува и тие не се способни да ги толкуваат одредбите на Законот за Судскиот совет. Немаме потреба од ваков Судски совет. А, за Собранието и јас сум без коментар веќе. Мислевме автентичните толкувања се чудовишта од минатото, а тек ова..епистоларно толкување“, напиша Прешова. .

Oд Судски совет за Телма потврдија дека се обратиле до Собранието, во врска со заминувањето во пензија на Павлина Црвенковска која исполнила услови за старосна пензија шест месеци пред истекот на мандатот.

Судски совет остана без еден член, Црвенковска замина во пензија шест месеци пред да и заврши мандатот

The post Прешова: Наместо Судски нека се формира Судо-шпед appeared first on telma.com.mk.

За колку ќе се зголеми цената на парното греење? Компаниите веќе ги доставија пресметките на трошоците до регулаторна. Најголемо зголемување од речиси 54 отсто на својата услуга бара компанијата која што го врши снабдувањето со топлинска енергија. ЕСМ дистрибуција пак пресметале и бараат зголемување на цената на дистрибуцијата од над 45 отсто, а производство 32, 7 проценти.

• ЕСМ Снабдување      53,9 %
• ЕСМ Дистрибуција    45,5 %
• ЕСМ Производство   32,7 %

Од ЕСМ за Телма велат дека во овие пресметки освен прогнозите за цената на гасот  кој има најголем дел од трошоците на компаниите, реалните трошоци кои ги направиле компаниите за време на претходната грејна сезона влегуваат и стари трошоци од претходни години за кои тврдат дека регулаторите им ги има признаено, но истите не биле вклучени  при носењето на тогашните одлуки за крајната цена на парното греење.

До денеска е и рокот до кога може сите заинтересирани правни и физички лица да достават мислења и предлози во врска со најновите барања на компаниите за топлинска енергија. Новата цена пак на парното греење треба да се донесе до крајот на јули, а да важи од први август.

Последно, греењето поскапи за 5, 9 отсто, со образложение дека се прави за да може да се инвестира во дистрибутивната мрежа поради која изминатата грејна сезона имаше доста проблеми.

The post Од над 30 до над 50 отсто зголемување на цената на услугата – вакви барања добиле регулаторите од фирмите за парно appeared first on telma.com.mk.